Not' Bouon Vieir Temps
Jamais nou n'pouôra oublier
Les jours dé ses jeunes ans;
Quand nou 'tait dgais comme des peinchons;
Les jours de ses jeunes ans.
Pour l'amour du vieir temps, chantons,
Pour l'amour du vieir temps,
J'nos entre-donnons eunne poignie d'main,
Pour l'amour du vieir temps.
Quand nou couothait dans les valleaies,
Dans les prés, sus les haies,
Dans les clios parsémeais de fieurs;
Comme dans lé bouan vieir temps.
Pour l'amour du vieir temps, chantons,
Pour l'amour du vieir temps,
J'nos entre-donnons eunne poignie d'main,
Pour l'amour du vieir temps.
J'oublethons-t-i' nos vieirs anmeins?
L's anmeins de nos jeunes ans?
J'oubliethons-t-i' nos vieirs pathents
Les gens du bouan vieir temps?
Pour l'amour du vieir temps, chantons,
Pour l'amour du vieir temps,
J'nos entre-donnons eunne poignie d'main,
Pour l'amour du vieir temps.
J'avons souvant couothu ensembl'ye,
En chantant et riant,
Et j'avons travailli bein du,
Dépis chu bouan vieir temps.
Pour l'amour du vieir temps, chantons,
Pour l'amour du vieir temps,
J'nos entre-donnons eunne poignie d'main,
Pour l'amour du vieir temps.
J'saouticotaimes lé long du c'mein,
En allant à l'êcole,
Et j'èrvenaimes contents au sé,
Quand l'solé sé couochait.
Pour l'amour du vieir temps, chantons,
Pour l'amour du vieir temps,
J'nos entre-donnons eunne poignie d'main,
Pour l'amour du vieir temps.
La leune s'est levaie bein des fais,
Et lé solé étout,
Et les aietelles ont aiecliaithi,
Sus l'ruissé et sus l'dout.
Pour l'amour du vieir temps, chantons,
Pour l'amour du vieir temps,
J'nos entre-donnons eunne poignie d'main,
Pour l'amour du vieir temps.
version texte cliquez pour télécharger !
(renommer le .zip en .txt)
Copyright Site Francophone Jeff Buckley. Demander moi avant de réutiliser ces traductions qui sont à l'heure actuelle la propriété de Nadine Zaouche ou Camila Fernandez.
